Samruddhi Highway Accident: समृद्धी महामार्गावर भीषण अपघात; दोन ट्रक एकमेकांवर धडकताच घेतला पेट

नवनीत तापडिया, छत्रपती संभाजीनगर

Samruddhi Highway Accident: समृद्धी महामार्गावर अपघातांची मालिका सुरूच आहे. दर दोन दिवसांनी या महामार्गावर अपघात होताना दिसत आहेत. अशात आज देखील समृद्धी महामार्गावर भीषण अपघात झाला आहे. समृद्धी महामार्गावर दोन ट्रक एकमेकांना धडकल्याने मोठी आग लागली आहे. (Latest Accident News)

मिळालेल्या अधिक माहितीनुसार,अपघातानंतर दोन्ही ट्रकला आग लागली. ही आग इतकी भीषण होती की यात एक ट्रक जळून खाक झाला आहे. सुदैवाने यात कोणतीही जीवितहानी झालेली नाही. ट्रकचालक आणि सहकाऱ्यांना वाचवण्यात यश आलं आहे.

अग्निशमन दलाकडून आग विझवण्याचे ऑटोकाट प्रयत्न सुरू आहेत. समृद्धी महामार्गावर (Samruddhi Highway) मर्यादेपेक्षा जास्त स्पीडमध्ये वाहन चालवल्याने हा अपघात झाला. अपघातामुळे नागपूरकडे जाणाऱ्या दोन लेन बंद करण्यात आल्यात. यामुळे अन्य मार्गांवर वाहतूक कोंडी झाली आहे.

आज सकाळपासून अपघाताच्या दोन मोठ्या घटना घडल्या आहेत. खोपोलीमध्ये मोटर सायकलचा भीषण अपघात झालाय. या अपघतात एका महिलेचा मृत्यू झाला आहे. खोपोली पळसदरी दरम्यान हा अपघात झाला. मोटर सायकल अपघतामध्ये महिलेचा जागीच मृत्यू झाला. नीरा सुरेश ठोंबरे असे मृत महिलेचे नाव असून त्यांचे पती सुरेश ठोंबरे हे देखील जखमी आहेत. सध्या त्यांच्यावर जवळच्या रुग्णालयात उपचार सुरु आहेत.