सचिन बनसोडे
शिर्डी (अहमदनगर) : झटपट दर्शनासह स्वस्तात रूम मिळवून देण्याच्या बहाण्याने साईभक्तांची फसवणूक करणाऱ्या २० ते २५ दलालांना पोलिसांनी (Police) ताब्यात घेतले आहे. दलाल दुचाकीवरून (Shirdi) साईभक्तांच्या वाहनांचा पाठलाग करतात आणि विविध आमिष दाखवून त्यांची फसवणूक करतात. (Breaking Marathi News)
शिर्डी पोलिसांकडून अनेकदा दलालांवर कारवाई करण्यात येते. मात्र या कारवाईत सातत्य नसल्याने काही दिवसातच पुन्हा भाविकांना फसवणूकीचे प्रकार सुरू होतात. भाविकांनी नकार दिल्यास अनेकदा त्यांना शिवीगाळ किंवा धक्काबुक्की झाल्याच्या घटना घडल्या होत्या त्या पार्श्वभूमीवर पोलिसांनी ही कारवाई केली. आता शिर्डी पोलिसांनी भाविकांची दिशाभूल करून फसवणूक करणाऱ्या दलालांना चाप लावण्यासाठी एका अधिकाऱ्यासह पाच पोलीस कर्मचाऱ्यांचे विशेष पथक तैनात केले आहे.
आज दुचाकीवरून साईभक्तांच्या वाहनांचा पाठलाग करणाऱ्या २० ते २५ दलालांना ताब्यात घेत शिर्डी पोलिसांनी त्यांच्यावर कारवाई केली. अशी कारवाई पुढे देखील सुरूच राहाणार असून भाविकांनी भूलथापांना बळी पडू नये असे आवाहन शिर्डी पोलिसांनी केले आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
