Buldhana News : अचानक वाहनांवर दगड पडू लागले, प्रवासी घाबरले; राष्ट्रीय महामार्ग 6 वरील वाहतुक तीन तास खाेळंबली

Buldhana News : बुलढाणा जिल्ह्यातील खामगाव शहर नजीकच्या राष्ट्रीय महामार्ग क्रमांक सहावर मध्यरात्री अज्ञात समाजकंटकांनी धुमाकूळ घातला. राष्ट्रीय महामार्गावरून जाणाऱ्या अनेक वाहनांवर तुफान दगडफेक केली. यामुळे महामार्गावरील वाहतुक तब्बल तीन तास खाेळंबली हाेती.  (Maharashtra News)

खामगाव शहरा जवळ असणा-या राष्ट्रीय महामार्ग क्रमांक सहा वर मध्यरात्री काही जणांनी वाहनांवर तुफान दगडफेक केली. या दगडफेकीत खाजगी लक्झरी बस , कार , ट्रक अशा ८ ते १० वाहनांचे माेठ्या प्रमाणात नुकसान झाले. अचानक घडलेल्या घटनेमुळे वाहनधारक भयभीत झाले. काहींनी घटनेची माहिती पाेलिसांना कळवली. पोलिस घटनास्थळी पाेहचल्यानंतर महामार्गावरील वाहतूक सुरळीत झाली.

दरम्यान ही दगडफेक कुणी केली, का केली हे समजू शकले नाही. काेणाचा लूटीचा प्रयत्न हाेता की आणखी काही याचा तपास खामगाव पोलिस करत आहेत. तूर्तास अज्ञातांवर गुन्हा दाखल करण्यात आला आहे. या घटनेमुळे राष्ट्रीय महामार्गावर वाहन धारकांमध्ये भीतीचे वातावरण पसरले आहे.

Edited By : Siddharth Latkar