- रणजीत माजगावकर
Kolhapur News : माजी राज्यपाल भगतसिंग कोश्यारी (Bhagat Singh Koshyari) यांच्यावर गुन्हा दाखल करा या मागणीसाठी आज (मंगळवार) माजी मुख्यमंत्री उद्धव ठाकरे (uddhav thackeray) यांच्या गटाच्या शिवसेनेच्या वतीने काेल्हापूरात मोर्चा काढण्यात आला. या माेर्चात माेठ्या संख्येने शिवसैनिक सहभागी झाले हाेते. (Maharashtra News)
कोल्हापूर शहरातील पितळी गणपती येथून या मोर्चाला सुरुवात झाली. पोलीस अधीक्षक कार्यालयापर्यंत हा मोर्चा काढण्यात आला. या माेर्चातील शिवसैनिकांनी (shiv sena morcha at kolhapur) माजी राज्यपाल भगतसिंग कोशारी यांच्याविराेधात जाेरदार घाेषणाबाजी केली. तसेच त्यांच्यावर गुन्हा दाखल करावा यासाठी घाेषणा देत निदर्शने केली.
शिवसेनेचे जिल्हाप्रमुख संजय पवार (shiv sena leader sanjay pawar) म्हणाले घटनात्मक पद असताना सुद्धा पक्षपातीपणा आणि एका विशिष्ट पक्षाला मदत व्हावी असे निर्णय घेतल्याने माजी राज्यपाल भगतसिंग काेश्यारी यांच्यावर गुन्हा दाखल झाला पाहिजे. या मागणीसाठी आजचा माेर्चा हाेता. विशेष पोलीस महानिरीक्षक यांना याबाबतचे निवेदन देण्यात आल्याचे संजय पवार (जिल्हाप्रमुख) यांनी सांगितले.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
