Gujarat Political News: आगामी लोकसभा 2024 निवडणुकीची सर्वच पक्षांनी तयारी सुरू केली आहे. सत्ताधारी भाजपला पराभूत करण्यासाठी विरोधक एकवटले आहेत. दुसरीकडे सत्ताधारी एनडीए सरकार विजयाची हॅट्रिक मारण्याच्या तयारीत आहे. अशातच गुजरातमधून एक मोठी बातमी समोर आली आहे. लोकसभा निवडणुकीपूर्वी गुजरातमध्ये भाजपला मोठा धक्का बसला आहे.
गुजरातमधील भाजपचे नेते प्रदीपसिंह वाघेला यांनी आपल्या सरचिटणीस पदाचा राजीनामा दिला आहे. भाजप कार्यालयाने वाघेला यांच्या राजीनाम्याला दुजोरा दिला आहे. वाघेला यांची 10 ऑगस्ट 2016 रोजी प्रदेश भाजपच्या सरचिटणीसपदी नियुक्ती करण्यात आली होती.
प्रदीपसिंह वाघेला यांच्याकडे गुजरातमधील भाजपचे दुसरे शक्तीशाली नेते म्हणून बघितलं जात होतं. लोकसभा निवडणुकीला वर्षभराचा अवधी बाकी असताना त्यांनी अचानक राजीनामा दिल्याने भाजपला बसलेला हा मोठा धक्का मानला जात आहे.
वाघेला यांनी अचानक राजीनामा दिल्याने भाजपसमोर अनेक प्रश्न निर्माण झाले आहेत. दरम्यान, राजीनाम्यावर प्रदीप सिंह वाघेला यांनी काही दिवसांत सर्व काही ठीक होईल, असं म्हटलं आहे. लोकसभा निवडणुका डोळ्यासमोर ठेवून, गुजरात भाजप अलीकडे 'महा जन संपर्क अभियान' किंवा जनसंपर्क कार्यक्रम राबवत आहे.
ज्यामध्ये त्यांनी इतर गोष्टींबरोबरच भाजपकडून विविध व्यावसायिक समुदायांच्या परिषदांचे आयोजन करण्यात आलं आहे. या व्यापक प्रचाराचा एक भाग म्हणून विविध व्यापारी समुदायांच्या परिषदा, प्रदेश भाजपच्या विविध सेलचे कार्यक्रम आणि सर्व 26 लोकसभा मतदारसंघात मोठ्या रॅलीचे आयोजन केले आहे.
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
