Petrol Diesel Price News : महागाईच्या भडक्यात होरपळून निघालेल्या सर्वसामान्यांसाठी अतिशय महत्वाची बातमी समोर आली आहे. गेल्या काही दिवसांपासून पेट्रोल-डिझेल वाढत्या किंमतीमुळे वाहनचालकांचे कंबरडे मोडले आहे. दर दोन दिवसाला पेट्रोल-डिझेलच्या किंमती वाढत असल्याने आर्थिक बजेट कोलमडत आहे. मात्र, आता यापासून दिलासा मिळण्याची शक्यता आहे. (Latest Marathi News)
कारण, जागतिक बाजारात कच्चा तेलाच्या किमतीत मोठी घट झाली आहे. अमेरिकन ऑइल डब्ल्यूटीआयच्या किंमतीत 5.26 टक्क्यांची घसरण झाली आहे. किंमत प्रति बॅरल $3.63 ने कमी होऊन प्रति बॅरल $67.70 वर आली आहे. दोन्ही कच्च्या तेलाच्या किमतींचा दर हा डिसेंबर 2021 च्या खालच्या पातळीवर आला आहे.
याचा परिणाम भारतीय बाजारात कच्च्या तेलाच्या किमतीत सुमारे 6 टक्क्यांची घसरण झाली आहे. किंमत 346 रुपयांनी कमी होऊन 5,637 रुपये प्रति बॅरलवर आली आहे. ट्रेडिंग सत्रात कच्च्या तेलाचा भाव 5,617 रुपयांवर गेला होता. बाजार सुरु होताना हा दर 5,968 रुपयांवर होता. (Maharashtra Breaking News)
क्रूड ऑईलचे दर 5,500 रुपयांपर्यंत खाली येण्याची शक्यता असल्याचा देखील अंदाज वर्तवण्यात येत आहे. यामुळे भारतात पेट्रोल डिझेल तब्बल १५ रुपयांनी स्वस्त होण्याची शक्यता आहे. असं झाल्यास महागाईच्या भडक्यात होरपळून निघालेल्या वाहनधारकांना हा मोठा दिलासा असेल.
आजचा पेट्रोल डिझेलचा भाव काय?
दरम्यान, कच्चा तेलाचे भाव कमी होताच, भारतीय पेट्रोलियम कंपन्यांनी तेल कंपन्यांनी आज पेट्रोलचे (Petrol)आणि डिझेलचे दर जाहीर केले आहेत. आज दिल्लीत पेट्रोल 96.72 रुपये प्रति लीटर तर डिझेल 89.62 रुपये प्रति लिटरवर विकले जात आहे.
आर्थिक राजधानी असलेल्या मुंबईतपेट्रोलचा दर 106.31 रुपये आणि डिझेलचा (Diesel) दर 94.27 रुपये प्रतिलिटर आहे. कोलकात्यात पेट्रोलचा दर 106.03 रुपये तर डिझेलचा दर 92.76 रुपये प्रति लिटर आहे. तर चेन्नईमध्येही पेट्रोल 102.63 रुपये प्रति लिटर आणि डिझेल 94.24 रुपये प्रति लिटर आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
