प्रमोद जगताप, प्रतिनिधी
I.N.D.I.A. Committee Meeting: विरोधकांच्या इंडिया आघाडीने मोदी सरकारविरोधात रणशिंग फुंकले आहे. इंडिया आघाडीकडून देशव्यापी सभांचे आयोजन करण्यात येणार असून पहिली सभा भोपाळमध्ये होणार आहे. ऑक्टोंबरच्या पहिल्या आठवण्यात ही सभा होणार असून एकत्रित सहा सभा घेणार असल्याचे सांगण्यात आले आहे.
याबाबत सविस्तर माहिती अशी की, विरोधकांच्या इंडिया आघाडीची पहिली बैठक नुकतीच दिल्लीमध्ये पार पडली. राष्ट्रवादीचे अध्यक्ष शरद पवार यांच्य दिल्लीतील निवासस्थानी ही बैठक पार पडली. हा बैठकीत इंडिया आघाडीच्या पुढील सभांची घोषणा करण्यात आली.
इंडिया आघाडीची पहिली जाहीर सभा ऑक्टोबरच्या पहिल्या आठवड्यात भोपाळमध्ये होईल. भोपाळच्या सभेनंतर दुसरी सभा पाटण्यामध्ये तर तिसरी सभा महाराष्ट्रात नागपूरला होणार आहे. देशभरात एकत्रित सहा सभा घेण्याचा निर्णय इंडिया आघाडीने घेतला आहे.
दरम्यान, या बैठकीमध्ये इंडिया आघाडीकडून काही वृत्तवाहिन्यांच्या कथित ‘इंडिया’विरोधी निवेदकांच्या कार्यक्रमांवर बहिष्कार टाकण्याचाही निर्णय घेण्यात आला आहे.आघाडीच्या मीडिया कोओरडीनेशन कमिटी आज त्या अँकरची नाव जाहीर करण्याची शक्यता आहे. इंडिया आघाडीबद्दल द्वेष पसरवणाऱ्या 10 अँकर आणि 5 चॅनलवर बहिष्कार टाकण्यात आला आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
