धक्कादायक! पोलिसानेच केला महिला कॉन्स्टेबलवर बलात्कार

Uttar Pradesh Crime : महिला कॉन्स्टेबलच्या तक्रारीनंतर पोलीस कर्मचाऱ्यावर गुन्हा दाखल करण्यात आला आहे
धक्कादायक! पोलिसानेच केला महिला कॉन्स्टेबलवर बलात्कार
Rape crimesaam tv

बाराबंकी: उत्तरप्रदेशातील (Uttar Pradesh) बाराबंकी जिल्ह्यातून (Barabanki) एक खळबळजनक घटना समोर आली आहे. येथे एका महिला कॉन्स्टेबलने (Women Police) पोलीस कर्मचाऱ्यावर लग्नाच्या बहाण्याने शारीरिक संबंध आणि बलात्कार केल्याचा आरोप केला आहे. इतकंच नाही तर, तर बहिणीचे लग्न लावून देण्यासाठी पोलीस कर्मचाऱ्याने आपल्याकडून 4 लाख रुपये उकळल्याचा आरोपही महिला कॉन्स्टेबलने केला आहे. जेव्हा महिलेने या पोलीस कर्मचाऱ्याकडे लग्नाचा तगादा लावला तेव्हा त्याने पीडितेला मारहाण करत जीवे मारण्याची धमकी दिली. दरम्यान, महिला कॉन्स्टेबलच्या तक्रारीनंतर पोलीस कर्मचाऱ्यावर गुन्हा दाखल करण्यात आला आहे.

Rape crime
पैशांची 'खाण' सापडलेल्या IAS अधिकारी पूजा सिंघलना दुसऱ्यांदा मोठा दणका

सचिन कुमार असे आरोपी पोलीस कर्मचाऱ्याचं नाव असून तो बाबुपूर चांदपूर येथील रहिवासी आहे. मिळालेल्या माहितीनुसार, पीडित महिला 2019 पासून कोठी पोलीस ठाण्यात तैनात होती. त्याचवेळी पीडितेची भेट मुरादाबाद जिल्ह्यातील भगतपूर पोलीस स्टेशन अंतर्गत येणाऱ्या बाबुपूर चांदपूर येथील रहिवासी सचिन कुमार याच्याशी झाली. महिला कॉन्स्टेबलने दिलेल्या तक्रारीनुसार, आरोपी सचिन याने प्रथम तिच्यासोबत मैत्री केली. त्यानंतर लग्नाचे अमिष दाखवत तिच्याशी सतत लैंगिक संबंध ठेवले होते. यादरम्यान, बहिणीच्या लग्नाचे कारण सांगत आरोपीने पीडितेकडून 4 लाख रुपये सुद्धा उकळले.

पीडितेचे म्हणणे आहे की, केवळ सचिनच नाही तर त्याच्या संपूर्ण कुटुंबाला या नात्याची माहिती होती. दोघांमध्ये लग्नाचीही चर्चा होती. मात्र, काही दिवसानंतर आरोपी सचिनने पीडितेसोबत लग्न करण्यास टाळाटाळ केली. यावर पीडितेने जाब विचारला असता आरोपीने तिला मारहाणही केली. आपल्यासोबत घडलेल्या प्रकारानंतर पीडित महिलेने पोलिसांत धाव घेतली. पीडितेच्या तक्रारीवरून पोलिसांनी आरोपी सचिन विरोधात बलात्कारासह एससी-एसटी कायद्यांतर्गत गुन्हा दाखल केला आहे. गुन्हा दाखल केल्यानंतर पोलीस संपूर्ण प्रकरणाचा तपास करत आहेत.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.