MI vs RCB Playing 11: इंडियन प्रीमिअर लीग अर्थात आयपीएलच्या १६ व्या हंगामात आज रोहित शर्माच्या मुंबई इंडियन्सचा सामना फाफ डू प्लेसिसच्या रॉयल चॅलेंजर्स बंगळुरू संघासोबत होणार आहे. मुंबईच्या वानखेडे मैदानावर सायंकाळी ७ वाजता या सामन्याला सुरूवात होईल.
प्ले ऑफच्या दृष्टीने दोन्ही संघासाठी आजचा सामना महत्वाचा असणार आहे. दरम्यान, सामना सुरू होण्यापूर्वी मुंबई इंडियन्सच्या चाहत्यांसाठी एक आनंदाची बातमी समोर आली आहे. (Latest sports updates)
यंदाच्या हंगामात मुंबई इंडियन्सने आतापर्यंत १० सामने खेळले असून यातील ५ सामन्यात विजय तर ५ सामन्यात पराभवाचा सामना करावा लागला आहे. १० गुणांसह मुंबईचा संघ ८ व्या स्थानावर आहे. दुसरीकडे आरसीबीची स्थिती सुद्धा अशीच काही आहे.
त्यांनी सुद्धा १० सामने खेळले असून ५ सामन्यात विजय तर ५ सामन्यात पराभवाचा सामना करावा लागला आहे. मात्र, मुंबईपेक्षा नेटरनरेट अधिकच चांगले असल्याने ते ६ व्या क्रमांकावर आहे.
आयपीएलच्या इतिहासात आतापर्यंत दोन्ही संघ तब्बल ३१ वेळा आमने-सामने आले आहेत. यातील १७ सामन्यात मुंबईने विजय मिळवला असून १४ सामन्यात आरसीबीने त्यांचा पराभव केला आहे.
विशेष बाब म्हणजे आरसीबीने गेल्या ६ सामन्यात ५ वेळा मुंबईचा पराभव केला आहे. मात्र, असं असलं तरी आरसीबीविरुद्ध घरच्या मैदानावर खेळताना मुंबईने मागील ९ सामन्यात ६ वेळा विजयाला गवसणी घातली आहे.
आरसीबीविरोधात मुंबईचा रेकॉर्ड घरच्या मैदानावर खूपच खास आहे. त्यामुळे आजचा सामना सुद्धा वानखेडे मैदानावर होत असल्याने या सामन्यातही मुंबई इंडियन्स संघाचेच पारडे जड मानले जात आहे.
दुसरीकडे फाफ डू प्लेसिसच्या नेतृत्वात खेळणारा आरसीबीचा संघाला सुद्धा कमी लेखून चालणार नाही. कारण, कर्णधार डू प्लेसिससोबत विराट कोहली सुद्धा चांगला फॉर्ममध्ये आला आहे. कोहलीने मागच्या सामन्यात दमदार अर्धशतक झळकावलं होतं. आजच्या सामन्यातही तो चांगला फॉर्म दाखवले अशी, आरसीबीच्या चाहत्यांना आशा असेल.
मुंबई इंडियस: रोहित शर्मा (कर्णधार), ईशान किशन (विकेटकीपर), कैमरून ग्रीन, सूर्यकुमार यादव, ट्रिस्टन स्टब्स, टीम डेविड, नेहल वढेरा, पीयूष चावला, ऋतिक शौकीन, ख्रिस जॉर्डन, अरशद खान
रॉयल चॅलेंजर्स बंगळुरू: फाफ डुप्लेसिस (कर्णधार), विराट कोहली, ग्लेन मैक्सवेल, केदार जाधव, शाहबाज अहमद, वानिंदु हसारंगा, महिपाल लोमरोर, दिनेश कार्तिक (विकेटकीपर), कर्ण शर्मा, मोहम्मद सिराज, जोश हेजलवुड
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
