Onkar Bhojane Viral Video: ओंकारने भर नाटकात काढली प्रेयसीची आठवण; ‘तू दूर का…’ म्हणत झाला भावूक

Onkar Bhojane Viral Video: ओंकार भोजने नेहमीच आपल्या कॉमेडीमुळे चर्चेत राहतो. ‘महाराष्ट्राची हास्यजत्रा’ या शो मधून अवघ्या महाराष्ट्रात प्रसिद्धी ओंकार भोजनेने आपली ओळख निर्माण केली. अभिनय आणि कॉमेडीमधून प्रसिद्धी मिळवलेला ओंकार सध्या त्याच्या चाहत्यांना नाटकातून सुद्धा भेटीला येत आहे. सध्या ओंकार ‘करुन गेलो गाव’या नाटकातून प्रेक्षकांच्या भेटीला येत आहे. सध्या या नाटकाच्या शो मधीलच एक व्हिडीओ सध्या सोशल मीडियावर बराच व्हायरल होत आहे.

ओंकार त्याच्या नाटकामध्ये प्रेक्षकांना त्यानेच गायलेली एक कविता सादर करताना दिसला. ही व्हिडीओ सध्या सोशल मीडियावर बऱ्याच प्रमाणात व्हायरल होत आहे. ती कविता सर्वांच्याच मनात घर करून जाते. ‘तू दूर का…’ असे या कवितेचे बोल असून त्यानेच गायलेली कविता सादर करताना तो दिसला.

शेअर केलेल्या व्हिडीओतील ओंकार भोजनेच्या कवितेचे बोल

“तू दूर का…

अशी तू दूर का…

मी असा मजबूर का…

मनाला मनाची खरी ओढ राही

अलबेल सारे तरी गोड नाही

पाहण्या तुला मन हे आतुर का…

तू दूर का…

अशी तू दूर का…

मी असा मजबूर का…

मी असा मजबूर का…”

ओंकारला अभिनयासोबतच कॉमेडी आणि कविता बनवायची देखील त्याला फार आवड आहे. ओंकार ‘महाराष्ट्राची हास्यजत्रा’ आणि ‘फु बाई फु’ या कॉमेडी शो मधून त्याने सर्वाधिक प्रसिद्धी मिळवली. सोबतच ‘बॉईज २’ आणि ‘सरला एक कोटी’ या चित्रपटातून तो प्रेक्षकांच्या भेटीला आला.