अमर घटारे, अमरावती
Amravati Police: अमरावतीमध्ये एका तरुणाने न्यायालयातच विष प्राशन (Consumed poison) करुन आत्महत्येचा प्रयत्न केला. अमरावती जिल्हा सत्र न्यायालयात ही घटना घडली आहे. पोलिसांनी (Amravati Police) तात्काळ या तरुणाला रुग्णालयात उपचारासाठी दाखल केले. तरुणाची प्रकृती गंभीर असून त्यांच्यावर उपचार सुरु आहे.
मिळालेल्या माहितीनुसार, अमरावती जिल्हा सत्र न्यायालयामध्ये एका तरुणाने शुक्रवारी दुपारच्या सुमारास विष प्राशन करुन आत्महत्येचा प्रयत्न केला. आशिष चरपे असं या आत्महत्या करणाऱ्या तरुणाचे नाव असून तो चिखली येथे राहणारा आहे. आशिषने सोबत आणणलेले विषारी औषध पिऊन आत्महत्येचा प्रयत्न केला. यानंतर न्यायालय परिसरात नागरिकांनी एकच गर्दी केली होती.
अमरावतीच्या गाडगे नगर पोलिसांनी तात्काळ प्रसंगावधान राखत या गंभीर अवस्थेत तरुणाला दुचाकीवरुन रुग्णालयात दाखल केले. या तरुणावर अमरावतीच्या जिल्हा सामान्य रुग्णालयात उपचार सुरु आहे. त्याची प्रकृती गंभीर असल्याचे सांगितले जात आहे. कौटुंबिक वादातून आशिषने आत्महत्या करण्याचा प्रयत्न केल्याचा संशय व्यक्त केला जात आहे. आशिषने आत्महत्येचा प्रयत्न करण्यामागचं नेमकं कारण काय आहे याचा तपास पोलिसांकडून सुरु आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.