नवनीत तापडीया
छत्रपती संभाजीनगर : कंपनीत नाईट शिप्‍टचे काम आटोपून घरी परतताना तरूणाचा दुर्देवी मृत्यू झाला. (railway) रेल्वे लाईन क्राॅस करत असताना कानात इअरफोन लावले होते. यामुळे रेल्वे येत असल्‍याने तरूणाच्‍या लक्षात आले नाही. यात रेल्‍वेची जोरदार धडक (Accident) बसल्‍याने तरूणाचा चिरडून मृत्यू झाला. (Tajya Batmya)
रेल्वे रूळ ओलांडणे हा मुळात गुन्‍हा आहे. याबाबत रेल्वे प्रशासनाकडून देखील वारंवार आवाहन केले जात असते. तरी देखील बेफिकीरपणाने रेल्वे रूळ ओलांडत असतात. यात अनेकजण तर कानात इअरफोन लावून (Aurangabad) बोलत किंवा गाणे ऐकत जात असतात. अशात रेल्वे रूळ क्राॅस करताना डावी– उजवीकडे न पहाता सरळ क्राॅसिंग करत असतात. यामुळे अपघात झाल्‍याच्‍या घटना देखील अनेकदा घडल्‍या आहेत. अशीच घटना आज सकाळी छत्रपती संभाजीनगर येथील मुकूंदवाडी भागात घडली.
घरी जाताना मृत्‍यूने गाठले
आज सकाळच्या सुमारास मुकुंदवादी भागातील घटना घडली. रमेश लक्ष्मण गुंड (वय २१) असे मृत तरुणाचे नाव आहे. रमेश हा रात्रपाळी करून कंपनीतून सकाळी घरी जात होता. या दरम्‍यान त्‍याने कानात इअरफोन घालून रेल्वे पटरी ओलांडत असताना दुर्घटना घडली. याबाबत मुकुंदवाडी पोलीस ठाण्यात अकस्मात मृत्यूची नोंद करण्यात आली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
