भुसावळ (जळगाव) : भुसावळ रेल्वे विभागाने तिकीट तपासणी मोहिमेत एका दिवसात १७ लाख ३० हजार रूपये दंड वसूल केला. विभागीय (Railway) रेल्वे व्यवस्थापक एस. एस. केडिया यांच्या नेतृत्वात (Bhusawal) आणि मुख्य विभागीय वाणिज्य व्यवस्थापक शिवराज मानसपुरे यांच्या मार्गदर्शनाखाली सदर मोहिम राबविली. (Tajya Batmya)
नाशिक, मनमाड, जळगाव, भुसावळ, खंडवा, अकोला, बडनेरा या स्थानकांवरही तपासणी करण्यात आली. सेंट्रल रेल्वेची ही मोहीम यशस्वी करण्यासाठी ३ अधिकारी, व तिकीट चेकिंग स्टाफ, वाणिज्य स्टाफ व आरपीएफ स्टाफ अशा एकूण ४२ टीम तयार करण्यात आल्या होत्या. या टीमने सखोल तपासणी करून ३ हजार २२ केसेसद्वारे एकूण १७ लाख ३० हजार वसूल केले गेले. प्रवाशांनी प्रवास करताना योग्य ते तिकीट घ्यावे व ज्या क्लासचे तिकीट आहे. त्या क्लासमध्ये प्रवास करावा असे आवाहन सेंट्रल रेल्वेने केले आहे. लाईनमध्ये उभे न राहता तिकीट हवे असेल तर प्रवाशांनी युटीएस ॲपचा वापर करावा असे रेल्वे प्रशासनाने कळवले आहे.
७० गाड्यांची तपासणी
सेंट्रल रेल्वेच्या भुसावळ विभागात वाणिज्य विभाग व आरपीएफ विभाग यांच्या विद्यमाने १४ मार्चला खंडवा ते इगतपुरी, अमरावती ते भुसावळ, (Chalisgaon) चाळीसगाव- धुळे; जलंब- खामगाव विभागाची एक दिवसीय तिकीट तपासणी मोहीम राबवली. वाणिज्य निरीक्षक, तिकीट तपासनीस आणि आरपीएफ जवान यांचे संयुक्त पथक तयार करून सुमारे ७० गाड्यांची तपासणी करण्यात आली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
