पाचोरा (जळगाव) : साकोरा (ता. नांदगाव) येथील रहिवासी असलेल्या धनराज पाटील याने पत्नी नांदायला येत नाही म्हणून सात वर्षीय शालकाचे लग्न (Marriage) समारंभातून अपहरण केले. अखेर पोलिसांच्या सतर्कतेमुळे धनराजसह त्याचा शालक मनमाड (Manmad) येथे पोलिसांच्या हाती लागला. धनराजला अटक करण्यात आली असून अल्पवयीन शालकास त्यांच्या कुटुंबीयांकडे सोपवण्यात आले आहे. (Breaking Marathi News)
नगरदेवळा सीम (ता. पाचोरा) येथील सासर असलेल्या धनराज पाटील याची पत्नी गेल्या महिन्यांपासून माहेरी आहे. ती सासरी येत नसल्याने तिला घाबरवण्यासाठी धनराजने शालकाचेच अपहरण करण्याचा प्लॅन आखला. पाचोरा येथील रामानंदनगरात २९ मे रोजी नातलगाच्या विवाह सोहळ्यासाठी पत्नीचा भाऊ गौतम (वय ७) हा आलेला होता. धनराजने या विवाह सोहळ्यातून त्याचे अपहरण करत पळवून नेले. विवाह सोहळ्यात गौतम दिसत नसल्याने त्याचा शोध सुरू झाला. परंतु धनराजने त्याला सोबत नेल्याचे काहींनी सांगितल्याने धनराजच्या पत्नीने पाचोरा पोलिसात तक्रार दिली होती. पोलिसांनी (Police) धनराज पाटीलच्या विरोधात अपहरणाचा गुन्हा नोंदवला होता.
मोबाईल लोकेशनवरून शोध
पोलीस निरीक्षक राहुल खताळ यांनी धनराज व गौतमचा शोध घेण्यासाठी विश्वास देशमुख, अमोल पाटील या पोलिसांचे पथक तयार केले. त्यांनी गौतमचा (Pachora) पाचोरा व साकोरा (नांदगाव) परिसरात शोध घेतला. परंतु दोघे मिळून आले नाही. धनराज त्याच्या घरीही दिसला नाही. म्हणून धनराजच्या मोबाईलचे लोकेशन पोलिसांनी घेतले असता तो मनमाड येथे असल्याचे कळाले. पोलिसांनी मनमाड येथे जाऊन धनराज व गौतमचे फोटो तेथील रहिवाशांना दाखवत शोध घेतला असता दोघे एका गल्लीत फिरताना आढळले. पोलिसांनी त्यांना ताब्यात घेऊन पाचोरा येथे आणले. धनराजला अटक करण्यात आली असून गौतम यास धनराजच्या पत्नीच्या म्हणजे गौतमच्या बहिणीच्या स्वाधीन करण्यात आले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
