Vasai News: समुद्र किनारी क्रिकेट खेळण्याचा आनंद विरला; चेंडू आणायला गेला तो परतलाच नाही

वसई : वसईमधील भुईगाव समुद्र किनाऱ्यावर क्रिकेट (Cricket) खेळण्यासाठी गेलेल्या १७ वर्षीय तरुणाचा समुद्रात बुडून मृत्यू (Death) झाल्याची घटना घडली आहे. साहिल त्रिभुवन असे या तरुणाचे नाव आहे. (Tajya Batmya)

साहिल त्रिभुवन हा औरंगाबाद येथून त्याच्या नातेवाईकांकडे वसई येथे आला होता. समुद्राचा आनंद घेण्यासाठी तो त्याच्या भावांबरोबर (Vasai) वसईमधील भुईगाव समुद्र किनारी क्रिकेट खेळण्यासाठी गेला होता. समुद्रात गेलेल्या चेंडू घेण्यासाठी साहिल गेला व पाण्याचा अंदाज न आल्याने तो समुद्रात बुडाला. सोबत असलेल्‍या भावांनी त्‍याला वाचवायचा प्रयत्‍न केला. परंतु, प्रयत्‍न अयशस्‍वी ठरला.

सकाळी किनाऱ्यावर सापडला मृतदेह

रात्रभर अग्निशमन दलाच्या जवानांनी साहिल याचा मृतदेह शोधला. मात्र तो सापडला नाही. सकाळी भुईगाव समुद्र किनाऱ्यावर साहिल याचा मृतदेह स्थानिक नागरिकांना आढळून आला. पोलीस व जीवरक्षकच्या मदतीने साहिल याचा मृतदेह शवविच्छेदनासाठी रुग्णालयात हलविण्यात आला आहे. यावेळी नातेवाईकांनी आक्रोश केला.