Chhatrapati Sambhajinagar News: छत्रपती संभाजीनगरमध्ये एका तरुणाची डोक्यात फावडा घालून निर्घृण हत्या करण्यात आली आहे. छत्रपती संभाजीनगर (Chhatrapati Sambhajinagar) जिल्ह्यातील जेवखेडा बुद्रुक येथे ही धक्कादायक घटना घडली. याप्रकरणी पोलिसांनी (Chhatrapati Sambhajinagar Police) आरोपीविरोधात गुन्हा दाखल करत त्याला अटक केली आहे. या घटनेमुळे एकच खळबळ उडाली आहे.
मिळालेल्या माहितिनुसार, एका 30 वर्षीय तरुणाने 17 वर्षांच्या मुलीवर बळजबरी करण्याचा प्रयत्न केला. या तरुणाने या मुलीचे तोंड ओढणीने दाबून पत्र्याच्या शेडमध्ये नेत तिच्यावर बळजबरी केली. मुलीने आरडाओरड केल्याने जवळच असलेल्या आई-वडिलांनी घटनास्थळी धावून घेतली. त्यानंतर त्यांनी आपल्या मुलीची नराधमाच्या ताब्यातून सुटका केली.
यावेळी आपल्या मुलीची अवस्था पाहून बापाचा राग अनावर झाला. त्यांने रागाच्या भरात आपल्या मुलीवर अत्याचार करणाऱ्या तरुणाच्या डोक्यात फावडा घातला. जवखेडा बुद्रुक येथे सायंकाळी पाचच्या सुमारास ही घटना घडली. या घटनेत गंभीर जखमी झालेल्या तरुणाला तात्काळ छत्रपती संभाजीनगरला घाटी रुग्णालयात दाखल केले होते. त्याचा उपचारादरम्यान रात्री नऊच्या सुमारास मृत्यू झाला.
तरुणाच्या हत्येप्रकरणी पिशोर पोलिसांनी मुलीच्या वडिलांना अटक केली. अटकेनंतर पोलिसांनी आरोपीला न्यायालयामध्ये हजर केले. न्यायालयाने आरोपीला शनिवारपर्यंत पोलीस कोठडी सुनावली आहे. या भयंकर घटनेमुळे परिसरात एकच खळबळ उडाली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
