Non Veg Lovers: वाढत्या महागाईमुळे (Inflation) त्रस्त असलेल्या जनतेच्या खिशाला आता आणखी कात्री लागणार आहे. चिकन, अंडी आणि मासे खाणाऱ्या नॉनव्हेज लव्हर्सला याचा सर्वात जास्त फटका बसणार आहे. कारण मासे आणि चिकनच्या दरामध्ये वाढ झाली आहे. त्यामुळे चिकन आणि मासे खाणाऱ्यांना जास्त पैसे मोजावे लागणार आहेत. मासे आणि चिकनच्या दरामध्ये किती रुपयांनी (Chicken And Fish Price Hike) वाढ झाली आहे ते आपण पाहणार आहोत...
पावसाळ्यामुळे खोल समुद्रातील मासेमारी बंद झाली आहे. मासेमारीसाठी गेलेल्या बोटी आणि किनारपट्टीवर परतू लागल्या आहेत. त्यामुळे मागणीच्या तुलनेत माशांची आवक कमी झाली. त्यामुळेच माशांच्या दरात वाढ झाल्याचे सांगितले जात आहे. माशांचे दर 10 ते 15 टक्क्यांनी वाढले आहेत. त्यामुळे आता मासे खरेदी करण्यासाठी खवय्यांना जास्त पैसे मोजावे लागणार आहेत.
माशांपाठोपाठ आता चिकनचे दर देखील वाढले आहेत. चिकनच्या दरामध्ये प्रतिकिलो मागे 10 रुपयांनी वाढ झाली आहे. तर अंड्यांचे दर देखील वाढले आहेत. अंड्याचे दर 35 रुपयांनी वाढले आहेत. सध्या मार्केटमध्ये चिकन 260 रुपये प्रतिकिलोने विकले जात आहे. चिकनचे दर हे फक्त राज्यात नाही तर संपूर्ण देशामध्ये वाढले आहेत. गेल्या सहा महिन्यातली ही मोठी वाढ असल्याचे सांगितले जात आहे.
कोंबड्यांची आवक घटल्यामुळे चिकनचे दर वाढले असल्याचे सांगितले जात आहे. कोंबड्यांची आवक घटण्यामागचे सर्वात मोठे कारण म्हणजे अति उष्णतेमुळे कोंबड्या मरुन पडत आहेत. त्यामुळे पोल्ट्री उत्पादकांचे नुकसान होत आहे. येत्या काळामध्ये चिकन आणि माशांच्या दरामध्ये आणखी वाढ होण्याची शक्यता वर्तवली जात आहे. चिकन आणि माशांच्या दरामध्ये वाढ झाल्यामुळे आता सर्वसामान्य जनता आणि खवय्यांच्या खिशाला आणखी कात्री लागणार आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
