India vs Sri Lanka, ODI : भारत विरुद्ध श्रीलंका यांच्यातील दुसरा एकदिवसीय सामना आज खेळवला जाणार आहे. कोलकत्त्याच्या ईडन गार्डनवर हा सामना होईल. पहिल्या सामन्यांत एकतर्फी विजय मिळवल्यानंतर आता दुसऱ्या एकदिवसीय सामन्यातही विजय मिळवून मालिका जिंकण्याच्या इराद्याने भारतीय संघ मैदानात उतरेल. तर दुसरीकडे श्रीलंका सामना जिंकून मालिकेतील आव्हान जिवंत ठेवण्याच्या प्रयत्नात असणार आहे. (Sports News)
कोण कुणावर भारी?
भारत आणि श्रीलंका संघात आतापर्यंत 163 सामने खेळवण्यात आले आहेत. यामध्ये भारतीय संघ श्रीलंकेवर वरचढ ठरला आहे. भारताने 163 पैकी 94 सामन्यात विजय मिळवला असून श्रीलंकेने 57 सामन्यांमध्ये भारताचा पराभव केला आहे. इतर 11 सामने अनिर्णित राहिले असून 1 सामना बरोबरीत सुटला आहे.
कशी असणार टीम इंडियाची प्लेइंग इलेव्हन?
तसं पाहता मालिकेत विजयी आघाडी घेतलेला संघ आपल्या प्लेईंग 11 मध्ये कुठलाही बदल करत नाही. मात्र, पहिल्या एकदिवसीय सामन्यांत सलामीवर फलंदाज इशान किशनच्या जागी शुभमन गिलला संधी देण्यात आली. टी-20 मध्ये भन्नाट फॉर्म दाखवलेल्या सूर्यकुमार यादवलाही संघात जागा मिळाली नाही.
रोहित शर्मा आणि संघ व्यवस्थापनाने घेतलेल्या या निर्णयामुळे क्रिकेटप्रेमी नाराज झाले होते. त्यांनी या निर्णयावर टीका केली होती. त्यामुळे आता दुसऱ्या एकदिवसीय सामन्यात शुभमन गिलच्या जागी इशान किशन आणि केएल राहुलच्या जागी सूर्यकुमार यादवला संधी मिळेल का? हेच पाहणं महत्वाचं ठरणार आहे.
वनडे मालिकेसाठी टीम इंडिया
रोहित शर्मा (कॅप्टन), हार्दिक पंड्या (उप-कर्णधार), शुभमन गिल, विराट कोहली, सूर्यकुमार यादव, श्रेयस अय्यर, केएल राहुल, ईशान किशन, वॉशिंगटन सुंदर, युजवेंद्र चहल, कुलदीप यादव, अक्षर पटेल, मोहम्मद शमी, मोहम्मद सिराज, उमरान मलिक आणि अर्शदीप सिंह.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
