Summer Recipe : उन्हाळ्याच्या सुट्टीत मुलांना चमचमीत पदार्थ खाण्याची आवड असते. बाहेरुन खेळून आल्यानंतर त्यांना सतत काहीतरी खायला हवे असते. परंतु, त्यांना पौष्टिक असे काही खायला दिले की, त्यांचे नाक सहज मुरडले जाते.
आपल्या घरात पनीर (Paneer) आणि बटाटे हे सहज उपलब्ध असतात. संध्याकाळच्या वेळी मुलांना भूक लागल्यानंतर या दोन वस्तूंपासून आपण परेफक्ट असं स्टार्टर बनवू शकतो. मुलांसाठी चविष्ट खाद्यपदार्थ ट्राय करत असाल तर बटाटा पनीर शॉट्स हा एक उत्तम पर्याय आहे. जर तुम्ही बटाटा पनीरचे शॉट्स कधीच बनवले नसतील तर जाणून घेऊया बटाटा पनीर शॉट्सची रेसिपी.
कृती
प्रथम बटाटे उकडवा आणि सोलून घ्या आणि एका भांड्यात मॅश करा. यानंतर हिरवी मिरची, आले आणि लसूण यांची पेस्ट तयार करा.
नंतर पनीरचे छोटे तुकडे करा आणि हिरवी कोथिंबीर बारीक चिरून घ्या. यानंतर एका मोठ्या भांड्यात बेसन घालून त्यात लाल तिखट आणि चिमूटभर मीठ घालून मिक्स करा.
आता थोडं थोडं पाणी घालून बेसनाची मध्यम जाडीची पीठ तयार करा.
आता एका कढईत १ टीस्पून तेल टाकून मध्यम आचेवर गरम करा. तेल गरम झाल्यावर त्यात सेलेरी आणि हिरवी मिरची-लसूण-आलं पेस्ट घालून थोडा वेळ परतून घ्या.
यानंतर मॅश केलेले बटाटे घालून मिक्स करावे. कोथिंबीर घालून मिक्स करा आणि थोडा वेळ गॅस बंद करा आणि मिश्रण एका मोठ्या भांड्यात काढा आणि थंड होऊ द्या.
मिश्रण थोडे कोमट झाल्यावर थोडेसे हातात घेऊन त्याचा छोटा गोळा बनवा.
आता तयार केलेल्या बॉलच्या मध्यभागी पनीरचा तुकडा ठेवा आणि पुन्हा चांगला पॅक करा.
तसेच सर्व मिश्रणाचे गोळे तयार करा. गोळा तयार झाल्यावर कढईत तेल टाकून गरम करा.
तेल व्यवस्थित गरम झाल्यावर ते गोळे बेसनाच्या पिठात बुडवून तेलात घालून तळून घ्या. गोळे सोनेरी होईपर्यंत तळून घ्या, नंतर प्लेटमध्ये काढा. तसेच सर्व गोळे तळून घ्यावेत.
तयार आहेत चविष्ट असे पोटॅटो पनीर शॉट्स. सॉस सोबत सर्व्ह करा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
