वरणगाव (जळगाव) : येथुन जवळच असलेल्या चौपदरी मुंबई– नागपूर महामार्गावरील फुलगाव उड्डाण पुलावर हरताळा येथुन मोटरसायकलने देवदर्शन घेऊन (Bhusawal) भुसावळकडे परतणाऱ्या दाम्‍पत्याला अज्ञात वाहनाने (Accident) धडक दिली. यात पतीचा मृत्यू झाला असून पत्नी जखमी आहे. ग्रामिण रूग्णालयात उपचार सुरू आहेत. (Tajya Batmya)
मुंबई– नागपूर चौपदरी महामार्गावरील फुलगाव जवळील उड्डाण पुलावर आज (५ मे) सकाळी ही घटना घडली. भुसावळ येथील ललीत प्रभाकर नेमाडे (वय ४८) हे पत्नी निता नेमाडेसह पौर्णिमेच्या मुहुर्तावर हरताळा येथे सकाळीच मोटारसायकलने देवदर्शनाला गेले होते. देवदर्शन करून परतत असतांना फुलगावजवळील उड्डाण पुलावर अज्ञात वाहनाने मोटरसायकलला जोरदार धडक दिली. यात पती– पत्नी फेकले गेले. या अपघातात दोघे गंभीर जखमी झाले.
उपचारापुर्वीच मृत्यू
त्यांना महामार्गाच्या रुग्णवाहिकेने वरणगाव ग्रामिण रुग्णालयात दाखल केले. मात्र ललीत नेमाडे यांचा उपचारापुर्वीच मृत्यू झाला. याप्रकरणी मयताची पत्नी निता ललीत नेमाडे (वय ४०) यांच्या फिर्यादीवरून वरणगाव पोलिसांत गुन्हा दाखल करण्यात आला असुन अज्ञात वाहनाचा व पुढील तपास सहाय्यक पोलिस निरीक्षक आशिष कुमार आडसूळ यांचे मार्गदर्शनाखाली सुरू आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
