Yavatmal News: आठ वर्षीय मुलासह गळफास घेत आईची आत्‍महत्‍या

यवतमाळ : आठ वर्षीय चिमुकल्या मुलासह आईने गळफास लावून आत्महत्या केली. ही खळबळजनक घटना (Yavatmal News) यवतमाळ शहरातील अशोकनगर परिसरात उघडकीस आली. यात घटनेमुळे परिसर हादरला आहे. (Live Marathi News)

रेश्मा वंडकर (वय ३८) आणि पूर्वेश वंडकर (वय ८) असे मृत आई व मुलाचे नाव आहे. दोघेही सिंहगड रोड कोल्हेवाडी पुणे येथे मुळ रहिवासी असून ते यवतमाळमधील अंबिका नगर येथे वास्‍तव्‍यास होते. आज सकाळच्‍या सुमारास रेश्‍मा व मुलगा पुर्वेश हे दोघे गळफास घेतल्‍याच्‍या अवस्‍थेत आढळून आले.

सदर घटनेबाबत परिसरातील नागरीकांनी पोलिसांना माहिती दिली. यानंतर पोलिस घटनास्‍थळी दाखल होवून पंचनामा करत तपास सुरू केला आहे. मात्र रेश्‍मा वंडकर यांनी आत्‍महत्‍या का केली? याबाबत स्‍पष्‍ट माहिती अद्याप समोर आलेली नाही.