Mumbai News: पार्किंगच्या वादात एअर गन दाखवत धमकावले, घटनेचा धक्कादायक Video व्हायरल; आरोपीला अटक

Mumbai Parking Dispute Video: व्हायरल व्हिडिओनंतर पोलिसांनी आरोपीविरोधात गुन्हा दाखल करत अटक केली आहे.
Mumbai Viral Video
Mumbai Viral Video Saam Tv

Mumbai News: मुंबईमध्ये पार्किंगवरुन झालेल्या वादात (Parking Dispute) एका व्यक्तीने एअर गनने (Air Gun) समोरच्या व्यक्तीला धमकावल्याची घटना समोर आली आहे. या घटनेचा व्हिडिओ सध्या सोशल मीडियावर व्हायरल होत आहे. या व्हायरल व्हिडिओनंतर मुंबई पोलिसांनी (Mumbai Police) एअर गन दाखवून धमकी देणाऱ्याविरोधात गुन्हा दाखल करत अटक केली आहे. ही घटना मुंबईच्या अँटॉप हिल (Antop Hill) परिसरात घडली आहे.

Mumbai Viral Video
Buldhana ST Bus Accident: राजुर घाटात एसटी आणि लक्झरी बसचा अपघात, 6 प्रवासी गंभीर जखमी

मिळालेल्या माहितीनुसार, अँटॉप हिल परिसरात नितीन अरोरा (35 वर्षे) याचा पार्किंगवरुन एका व्यक्तीसोबत वाद झाला. सुरुवातीला त्यांच्यात शाब्दिक बाचाबाची झाली. त्यानंतर नितीन अरोराने संबंधित व्यक्तीवर हल्ला केला. त्यानंतर त्याने त्याच्याजवळ असलेली एअर गन काढून समोरच्या व्यक्तीला धमकावले. ही घटना सोमवारी रात्री घडली. या घटनेचा व्हिडिओ समाज माध्यमांवर व्हायरल झाला आहे. या व्हिडिओमध्ये नितीन अरोराच्या हातामध्ये एअर गन असल्याचे दिसत आहे.

या घटनेनंतर संबंधित व्यक्तीने अँटॉप हिल पोलिस ठाण्यात धाव घेत नितीन अरोराविरोधात तक्रार दाखल केली. या तक्रारीवरुन पोलिसांनी नितीन अरोराविरोधात भारतीय दंड संहितेच्या कलम 324, 504 आणि 506 (2) अंतर्गत गुन्हा दाखल केला. त्यानंतर त्याला अटक करत त्याच्याकडील एअर गन पोलिसांनी जप्त केली. नितीन अरोरा एका इव्हेंट मॅनेजमेंट कंपनीत काम करतो. त्याच्याकडे एअर गन आली कुठून?, तो ही गन का बाळगत होता? तसंच किती दिवसांपासून त्याच्याकडे ही एअर गन आहे? याचा तपास अँटॉप हिल पोलिस करत आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com